Thursday, 19 December 2013

கைபேசி


நேரத்தை சுருக்க பயன்படுகிறாய்
வீணடிக்கவும் செய்கிறாய்

மனங்களை இணைக்கிறாய்
மன(ண)முறிவிற்கும்
வழிவகுக்கிறாய்

உலகத்தை உள்ளங்கைக்குள்
சுருக்கினாலும்
உள்ளங்களை உலகை
மறக்கசெய்கிறாய்

சட்டைபைக்குள் இருக்கும் நீ
குட்டிச்சாத்தானா?
நாயகனா?

யாருக்கும் புரியாது
நீ நல்லவனா
கெட்டவனா என்று!

Saturday, 24 November 2012

கண்ணீர்


நீ விடை பெறும் போதெல்லாம்
என் கண்களில் நடக்கும்
வரவேற்பு வைபவம்

Friday, 23 March 2012

டாக்டரின் காதல் தோல்வி (ச்சும்மா கற்பனை)-tamil poem,love poem

தவறேதும் செய்யாத
எனக்குள் நுழைந்த
Immuno defeciency virus நீ

எனக்கும் உனக்கும்
ஏற்பட்ட Accident ல்
சேதாரம் என்னவோ
எனக்கு மட்டும் தான்

ECG எடுத்தாலும்
EEG எடுத்தாலும்
பதியப்போவதென்னவோ
உன் நினைவலைகள் மட்டும் தான்

MTP Act டை மீறிவிட்டாய்
12 வாரங்கள் கழிந்த
நம் காதல் கருவை
கலைத்ததினால்

நகமும் சதையுமாய்
இருந்த நமக்கிடையில்
ஏன் இந்த  Paronychium

காயம் ஏற்படுத்தியதும் நீ
கட்டு போட்டதும் நீ!
இபபோது தான் புரிந்தது
நான் ஒரு Guniea pig என்று

விட்டில் பூச்சியாய் சுற்றி வந்தேன்
நீ வெளிச்சம் என்று நம்பி!
தெரியாமல் போய்விட்டது
அது suicide attempt என்று

மகரந்த பூவே!
மதுவை நீ சுமந்தாலும்
Deaddiction ward ல்
இருப்பதென்னவோ நான் தான்

உலகம் சொல்கிறது
எனக்கு Erotomania என்று
நமக்கு தான் தெரியும்
உண்மை என்னவென்று

நீ என்னை விலகினாலும்
உன் குரலோடும், பிம்பங்களோடும்
வாழ்ந்து கொண்டிருக்கிறேன்
Hallucinatory உலகில்
 

Thursday, 9 February 2012

பிரிவின் வலி -GRIEF (Tamil poem)

விதையின் மரணத்தில் தான்
விருட்சங்கள் வளரும்

விறகின் மரணத்தில் தான்
வெளிச்சம் தோன்றும்

காதலின் மரணத்தில் தான்
காவியங்கள் பிறக்கும்

விரோதத்தின் மரணத்தில் தான்
மனிதத்துவம் மலரும்

ஆனால் மனிதா
உன் மரணத்தின் முடிவு?

உன் ப்ரியமானவர்களின்
அழுகுரல்கள் சொல்கின்றன
நேசம்.........
மரணத்தை விட
கொடிய வலியுடையது
என்பதை

Wednesday, 8 February 2012

என்னவளே-5 (tamil poem,love poem)

நீ இரவில்
வீதிஉலா வரும்நேரத்தை
அரசுக்கு அறிவித்து விடு!
அந்த நேரத்தில் எல்லாம்
மின் தடையை அமல்படுத்தட்டும்

Thursday, 26 January 2012

புலம்பல் (tamil poem)

அழகாய் பிறந்ததுதான்
நாங்கள் செய்த பாவமோ?
புலம்புகின்றன
மலரும் முன் கொய்யப்பட்ட
மொட்டுக்கள்

Monday, 23 January 2012

என்னவளே-4 (Tamil poem,love poem)


ஊனமுற்ற
என் இதயத்திற்கு
நீ தினமும் 
ஏன் வைக்கிறாய்
தடைதாண்டும் போட்டி?